Nortura lea okta Norgga stuorámus biebmobuvttadeddjiin
Nortura lea boanddaid iežaset fitnodat ja ovttastus man 16 000 norgalaš boandda eaiggáduššet ovttas. Min ulbmil lea lágidit dilálašvuođaid miehtá Norgga, nu ahte buot guovlluin riikkas buvttaduvvojit monit ja biergu. Nu go boanda ieš, de mii nai atnit fuola das ahte borramuš buvttaduvvo vugiin mii lea boahttevaš buolvvaide buorrin, Norgga areálaviidodagaid ja luonddu eavttuid mielde.
Nortura lea stuora industriijaaktevra mas leat badjel 30 buvttadanbáikki ja birrasiid 4 500 bargi. Min rusttegat vuostáiváldet 260 000 tonna bierggu ja moniid juohke jagi. Stuorámus gálvojoavkkut leat monit, kalkuna, vuoncáčivggat, oamibiergu ja smávvašibihat nugo sávza ja gáica.
Eatnasat dáidet min dovdat buoremusat Gilde ja Prior mearkkaid bokte, mat leat min stuorámus ja beakkáneamos mearkagálvvut. Mii buvttadit gálvvuid biebmogávppiide ja min buvttadan biebmogálvvut leat gávdnamis buot biebmogávppiin Norggas. Dasa lassin vuovdit mii hoteallaide, restauránttaide, kioskkaide ja bensiidnastašuvnnaide – ja mii buvttadit ávdnasiid eará biergoindustriijaide.
Mii eaiggáduššat moanaid vuollefitnodagaid mat spesialiserejit iežaset viidáseappot reidet ávdnasiid mat báhcet min vuođđodoaimmas. Dat mii ii anit olbmoborramuššan manná min sirkulára reidenekonomiijai ja adno earret eará elliidbiebmun, dálkkasreidemii, allaárvosaš proteiidnalassin ja bio-energiijan.
Nortura vuovdá jahkásaččat birrasiid 30 miljárdda ruvnno ovddas.
Sámegillii jorgalan: ImO